Duqeymo iyo dagaalo xalay iyo shalay waqti danbe ka kala dhacay Magaalada Muqdisho oo dadki ay ku fafwaayeen.

Bartamaha(Muqdisho):-Dagaaladan oo ay barbar socdeen Duqeymo badan ayaa xalay waxa ay ka dhaceen Xaafado ka mida Degmooyinka Kaaraan iyo Yaaqshiid Ee Muqdiosho halkaasi oo ay isku fara saareen Ciidamada Dowlada iyo Xoogaga Mucaaradka. 

Madaafiic calculus oo inta badan ka soo dhacaysay Xarunta Madaxtooyada ayaa shalay galinkii danbe lagu garaacay Deegaano ka mida degmada Kaaraan iyadoo ay  halkaasi xalay sidoo kale dagaalo ay ka qarxeen Xaafado ka mida Degmadaasi. 

Goobaha dagaalada ay ka dhaceen ayaa waxaa ka mida Xaafadaha Sanca,Kaaraan,Mirinaayada iyo gobo kale oo ka kala tirsan Degmooyinka Kaaraan iyo Yaaqshiid iyadoo dagaalka uu bilowday ka dib duqeymo shalay qorax dhicii ka dhacay Deegaanadaasi.

 

Madaafiicda ayaa sidoo kale waxaa lgu garaacay Deegaanka Suuqa Bakaaraha iyo xaafado ka mida Degmada Hodon Ee Muqdisho halkaasi oo ka mida goobaha ay ku xooganyihiin Islaamiyiinta Mucaaradka. 

Inta la ogyahay dagaalada iyo duqeymaha shalay iyo xalay ka kala dhacay Muqdisho ayaa waxaa ku naafwaayay ilaa 6-ruux halka dhaawaca uu kor u dhaafayo 15 –ruux oo kale iyadoo qaarkod dhaawacyadaasi ay ku go’doomeen goobta ay ku waxyeeloobeen.

Xafiiska Wararka Soomaaliyeed www.Bartamaha.Com

Muqdisho-Somalia.