Bartamaha(Muqdisho):-Dagaalo goos-goos ah oo u dhexeeyay Ciidamada dowlada iyo Xoogaga ka soo hor’jeeda ayaa maanta ka dhacay qeybo ka mida wadada Makka Al-Mukarama Ee Muqdisho.
Dagaaladan ayaa la sheegayaa in ay bilowdeen ka dib markii Ciidamo aan sidaa u badnayn oo kuwa dowlada ah ay ka soo dageen wadadaasi iyadoo xoogaga Mucaaradka ay tacshiirad ku bilaabeen taasi oo dagaal ka dhalisay wadooyinka Dabka oo markii hore uu ka bilowday balse uu ku faafay wadooyinka Sayidka iyo Shaqaalaha.
Inta la ogyahay waxaa halkaasi ku dhintay ilaa 2-ruux oo rayid ah iyadoo dhaawacyada la geeyay goobaha caafimaadka ay gaarayaan 12-ruux kuwaasi oo inta badan ay haleeshay rasaastii maanta la isku dhaafsaday Muqdisho.
Dagaalka ayaa mudada kooban uu socday waxaa gabi ahaanba xermay dhaq-dhaqaaqii dadka iyo gaadiidka wadada Makka Al-Mukarama iyo dhammaan wadooyinka soo gala Suuqa Bakaaraha halkaasi oo isticmaalka gaadiidka ay ku badanyihiin Wadada Dabka.
Maalin waliba ayaa wadooyinka la siku hor’fadhiyo Ee Muqdisho waxaa ka dhasha isku dhac Ciidamada Dowlada iyo Xoogaga Mucaaradka kuwaasi oo inta badan rasastooda ay waxyeelo sababto.
Xafiiska Wararka Soomaaliyeed www.Bartamaha.Com
Muqdisho-Somalia.
