Dagaalo caawa ka qarxay Deeganka Xarardheere Ee Goboka Mudug iyo dhaawacyada oo aan lahayn goob la dhigo.

 

 

 

 

 

 

 

 

Bartamaha(Xarardheere):-

Wararka naga soo gaaraya deegaanka Xarardheere Ee Gobolka Mudig ayaa sheegaya in caawa maqribkii uu dagaal ka qarxay gudaha iyo daafaha Deegaankaasi.

Deegaanka Xarardheere ayaa waxaa si xoogan caawa Maqribnimadii hore uga socanayay dagaalo u dhexeeya labada beelood oo maalmihii la soo dhaafay dagaalo iyo dilal isku geysanayay gudaha deegaankaasi.

Dagaalka ayaa la sheegayaa in uu ka socanayay gudaha Deegaankaasi halkaasi oo laga maqlayay rasaasta nuucyadeeda kala duwan taasi oo u soo weecatay bartamaha Deegaanka Xarardheere halkaasi oo fiidnimadii caawa dagaalka uu ka socanayay.

Dadka ku dhaqan Xarardheere ayaa sheegaya in ay jiraan dad ay rasaasta haleeshay kuwaasi oo aan la aqoon goobta dhaawacooda loola carari karo maadaama dagaalka uu yahay mid qabiil ku salaysan.

Xarardheere ayaa maalmihii la soo dhaafay waxaa ka taagnaa xiisad colaadeed dad badani ay ku nafwaayeen wallo maanta ay deegaankaasi gaareen waxgarad labada beelood ka kala socday kuwaasi oo inta aanay wada hadal bilaabin ay rasaastu bilaabatay.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.