Ciidamo ka tirsan kuwa Dowlada ayaa maanta dil isugu geystay isgoyska KM.4 iyagoo dad rayid ahna horey u salfaday.

 

 

 

 

 

 

 

Bartamaha(Muqdisho):-Ciidamo ka tirsan kuwa dowlada Fd Soomaaliya ayaa maanta dil isugu geystay bartamaha isgoyska Km4 Ee Muqdisho halkaasi oo ay muddo rasaas isku dhaafsanayeen.

Inta la xaqiijiyay 4-ruux ayaa geeriyootay oo 2-ka mida ay ahaayeen askartii maanta israsaasaynta ku dhexmartay isgoyska KM4 Ee Muqdisho halkaasi oo muddo ay rasaas isku eryanayeen 2-Askari .

Israsaasayn muddo 10-daqiiqo ka soctay isgoyska NO.4 ayaa waxa ay dhalisay qasaarahaasi iyadoo la sheegay in 2-askari uu khilaaf u dhexeeyay iyadoo rasaasta ay isdhaafsadeen labaduba isku dhaawaceen taasi oo ay ka danbaysay rasaas ay isku ridayeen inta dhulka dhaawac ahaan ay u yaaleen.

Goobjooge ku sugnaa xiliga falkan uu dhacayay ayaa www.Bartamaha.Com u sheegay in dadka ka cararay isgoyska ay in mudda ah daawanayeen sida falka uu u dhacayay iyadoo ugu danbayn labada askari ay tag dhigeen ka dibna shacabka ay ku dul sheekeysteen in mudda ah wallow aad loga naxay maadaama ay salfadeen 2-ruux oo rayid ah oo iyaguna rasaasta ay haleeshay.

 

Labada askari ayaa goobtaasi laga qaaday xilli ay si xun u dhiigbexeen ka dib markii ay Ciidamo dowlada ka tirsan ay diideen in la qaado wallow xiligii danbe goobtaasi laga qaaday ka dibna ay ku qurbexeen Isbitaalka Madiina Ee Muqdisho.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.