Bartamaha (Buur-hakaba):- Ciidamada Koxda Xizbul Islaam ayaa shalay galinkii danbe gacanta ku soo dhigay kooxo dhalinyaro ah kuwaasi oo lagu Eedeeyay Burcadnimo.
Howlgalada Ciidamo Kooxda Xizbul Islaam ay ka sameeyeen wadada u dhexeysa Walaweyn iyo Buuhakaba ayaa waxa ay ku soo qabteen 4-dhalinyaro lagu Eedeeyay in Wadadaasi ay ka wadeen falal ay gawaarida dhac ugu geysanayeen.
Wadada u dhexeysa Wala-Weyn illaa Deegaanka Buur-hakaba ayaa waxaa joogta ka noqotay dhac iyo baarasho ay bulshada kula dhaqaaqayeen kooxo tuuga ah kuwaasi oo baarasha u geysta gawaarida safarka ah.
Illaa hatan ma jiro wax war ah oo ay saxaafada siiyeen Saraakiishii Ciidamadaasi hoggaanka u ahayd iyadoo la arkayay dhalinyarada Ciidamada ay wadada ka soo qabteen oo loo sii dhaadhicinayo saldhiga Walaweyne.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
