Bartamaha(Kulalampur):-Markabkan oo laga lahaa Wadanka Malaysiya ayaa la sheegayaa in uu ka shiraacday Xeebaha soomaaliya Xalay saqdii dhexe ka dib markii burcad badeeda ay sii daayeen.
Sargaal u hadlay Ciidamdada Badda ee Midowga Yururb ayaa sheegay in kooxda Burcad badeeda ay shalay oo Sabti ahayd sii daayeen dooni nuuca wax jiida ah taasi oo laga lahaa wadanka Malaysia .
Burcad badeeda soomaalida ah ayaa ogolaaday sii daynta Markabkaasi ka dib markii ay qaateen lacago aan sidaa u badnayn oo Madax furasha ah taasi oo la siiyay Burcad badeeda Muddo 7-bilood gacanta ku hayay Markabkaasi Malaysiya laga leeyahay.
Sargaal u hadlay Midowga Yurub ayaa sheegay in Burcadda sii daayeen Doonida Maraakiibta jiida oo lagu magacaabo Masiranda 7 taasi oo xalay habeen barkii ka shiraacatay goobtii lagu haystay.
Doonidan lagu magacaabo  Masirand 7 ayaa la sheegay in ay ku sii jeeday Magaalada Mayl oo caasimada Jasiirada Maldefis halkaasi oo la filayay in ay biyaha soo dhexdhigto Markab laga leeyahay Maldefis .Â
Sargaal ka mida Ciidamada NATO Ee Xeebaha soomaaliya ayaa sheegay in ay waraysteen shaqaalaha 11-ah Ee u dhashay wadamada Malaysia iyo Indonsia kuwaasi oo sheegay in ay caafimaad qabeen shaqaalaha saran markab laga leeyahay Germany kaasi oo lagu haysto Xeebaha Soomaaliya.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.
