Bartamaha(Muqdisho):-Dadka ku dhaqan deegaanada Juungale,Suuq Bacaad,Towfiiq iyo fagax oo intaba ka mid ah Degamada Yaaqshiid ayaa saaka bilaabay in ay isaga barakacaan xaafadaasi oo ay ku dagaalamayaan Ciidamada Dowlada Fd iyo Kooxaha Mucaaradka.
Wadooyinka Xaafadahaasi ayaa lagu arkayay Haween,Caruur iyo Dad da’ah kuwaasi oo isaga sii baxsanaya goobta colaada ay ku soo laablaabatay ee deegaanada Yaaqshiid iyadoo la arkayay gaadiid wada alaaba kala gadisan oo ka soo baxaya deegaanada ku dhowdhow goobaha dagaalada ay ka dhacayaan.
Dadka isaga cararay adagaalka ayaa la sheegayaa in ay intooda badan u jeheesteen deegaanada Ceelasha Biyaha ilaa Afgooye iyadoo gawaarida aada Gobolkaasi Sh/Hoose saaka laga dareemayay sara u kac balaaran oo ay gaadiidleyda uga faa’iidaysanayaan dadka dagaalada ka baxsanaya.
Dadka isaga cararaya dagaalka galay maalintii labaad ayaa sidoo kale waxa ay gaarayaan degmooyinka aanay dagaalka tooska ah aanu ka socan ee Muqdisho balse ay gaarayso rasaasta Muqdisho ka dhacaysa isla markaasina Degamooyinka badanaa ay yihiin deegaano la isku horfaidhiyo.
Degamada Yaaqshiid ayaa ehel u noqotay barakaca dagaalada soo noqnoqday iyadoo ay horay halkaasi ay isaga caraeen dadkii ugu badnaa ka dib markii dagaalo ay duqeyni la socoto ay ka dhacday halkaasi iyadoo deegaankaasi badanaa uu yahay meel madaafiicda deres u nqoday oo ay duqeeyaan ciidamada dowlada iyo kuwa Amisom xilli waliba uu dagaal dhaco.
Xafiiska Wararka Soomaaliyeed www.Bartamaha.Com.
Muqdisho-Somalia
