Bartamaha(Muqdisho):-Wasiir Dowlaha Gaashaandhiga Dowlada KMG ah ayaa shaaca ka qaaday in guuldarada Ciidanka Dowlada u masuul ka yahay Ra’iisul Wasaare Sharma’arke.

Yuusuf Indha Cadde oo saxaafada la hadlay maanta ayaa waxa uu sheegay in Cumar C/rashiid uu masuul ka yahay jabka soo gaaray ciidankii Dowlada ee daganaa Woqooyiga Muqdisho.

Indha Cade ayaa sheegay in Ra’iisul Wasaare  Sharma’arke uu masuul ka yahay Ciidamada ka soo baxay Woqooyiga Muqdisho isagoo ku sababeeyay in ay waayeen Hubkii iyo rasaasstii ay u baahnaayeen.

Wasiiru Dowlaha Gaashaandhiga Yuusuf Indha Cadde ayaa muujiyay qatarta soo wajahaysa Dowlada hadii aan ra’iisul wasaaraha laga helin sixiixa saanada Ciidanka iyo Hubka lagula dagaalamayo Mucaaradka.

Hadalka masuulkan ayaa imaanaya xilli horay uu u dhaliilay siyaasada Cumar C/rashiid oo uu ku tilmaamay nin doonaya in aanay Dowlada guul ka gaarin dagaalka ay la galayso Mucaaradka.

Xafiiska Wararka www.Bartamaha.Com

Muqdisho-Somalia

Comments

comments