Bartamaha(Muqdisho):-Ururka Xizbul Islaam ayaa digniin culus u jeediyay Kooxaha caadada ka dhigtay dilalka qarsoodiga ah ee ka dhacaya Gudaha Magaalada Muqdisho iyo deegaanada ay maamulaan Xizbul Islaam.

Madaxa Warfaafinta Xizbul Islaam Sheekh Maxamed Macalin Cali oo saxaafada la hadlayay ayaa waxa uu uga digay kooxaha dilalka iyo ammaan darada ka geysanaya Deegaanada ay maamulaan Xizbul Islaam.

Sheekh Maxamed Macalin Cali ayaa muujiyay qatarka ka dhalan karta qaska laga wado Deegaanada ay maamulaan Ururka Xizbul Islaam oo haatan ay marararka qaar ay dilal ka dhacaan.

Hadalka Xizbul Islaam ka soo baxay ayaa waxa uu ku soo aadayaa xilli saraakiil badan oo Xizbul Islaam ka tirsan la dilay kuwaasi oo dilkooda shakki xoogan uu galiyay madaxda sare ee Xizbul Islaam.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments