Bartamaha(B/Weyne):-Gawaari badan oo bixin waayay l;acago ay ku soo rogeen Xizbul Islaam ayaa ku xayiran duleedka Magaalada Baladweyne Ee Gobolka Hiiraan.

Gawaari badan oo safar ahaa ayaa ku xayiran duleedka Baladweyne kuwaasi oo loo haysto bixinta lacago culus oo lagu sheegay Kaalmada dayactirka wadooyinka Hiiraan.

Lacagta laga qaadayo gaadiidka ayaa lagu sheegay mid lagu doonayo dayactirka wadooyinka ka baxa Baladweyne oo burbur xoogan uu ka muuqdo taasi oo aan la ogayn sida ay ku suurtagalayso.

Gawaari badan oo aan qaarkood ka warhaynin lacagtaasi islamarkaana aan ku so talagalin ayaa loo haystaa lacagahaasi kuwaasi oo iska diidan in lacagta ay bixiyaan maadaama aanay ku soo tashan.

Lacagta laga qaadayo gaadiidka ayaa waxa ay tahay mid kala duwan waxaana ugu yar lacag dhan 50.000-Sh.Somalia ah oo ah mid ku adag qaar ka mida darawalada gaadiidka.

Duleedka Baladweyne waxaa haatan ku xayiran gawaari ka timid dhanka Gobolada dhexe iyo deegaanada Puntland oo gaaraya 20-gawaari nuuca waaweeyn ah oo lacag culus ay ka rabaan Xizbul Islaam.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments