Bartamaha (Muqdisho):- Xildhibaan ka mida mudanayaasha Baarlamanka ayaa dhaawac ka soo gaaray dhinaca feeraha ka gadaal markii Xabad wiifta ah ku dhacday.

Xildhibaan Faarax Xirsi Cawooleey oo ka tirsan Mudanayaasha Baarlamanka ayaa waxaa xalay ku dhacday Xabad wiifta ah oo dhaawac calis ah gaarsiisay Mudanahan ka mid ah Baarlamanka Soomaaliya.

Mudane Faarax Cawooleey waxaa Xabada ay kula dhacday dusha sare guri uu ka daganaa Degmada Xamar Weyne iyada oo dhaawacan uu gaaray isaga oo ku nasanayay guriga uu ka daganaa Degmadaasi oo ka mida dhulka ay dowlada ku xoogan tahay.

Mudanahan waxaa haatan lagu dabiibayaa Isbitaal ku yaala Muqdishoi iyada oo dhaawaciisa xilli danbe la ogaaday markii Xabadan ku dhacday ay noqotay mid lama filaan ah oo dhawaqeeda aan la maqlin maadaama ay ka soo dhacday dhulka Mucaaradka iyo dowlada isku horfadhiyaan ee Woqooyiga Muqdisho.

Mudanahan rasaasta iska socotay xalay dhaawacday ayaa waxa uu ka mid noqonayaa madax dowlada ka tirsan oo rasaas iska socota ay ku haleesho dhulka kooban oo dowlada maamusho sida Villa Somalia oo dhexdiida gaari la isaga goosho baqdin rasaasta dhacaysa aawadeed ah.

Xafiiska www.Bartamaha.Com Ee Afrika

[email protected]

Comments

comments