Bartamaha(Buuhoodle):-Xiisad colaadeed  ayaa ka taagan Degmada Buuhoodle halkaasi oo askarta Ethiopia ay gawaari badan ka kexeesteen.

Ciidanka Ethiopianka ah ayaa la soo sheegayaa in ay la wareegeen 16-gaari oo u badan kuwa Xamuulka kuwaasi oo ay la aadeen dhanka Xaduudka ay wadaagaan Buuhoodle iyo dhulka soomaalida Ethiopia maamulato.

Gawaarida ay wateen Ciidamada ayaa ka caraysiisay dadka deegaanka waxaana laga baqanayaa in colaad kale ay dhex marto askarta Ethiopianka ah iyo dadka deegaanka oo dhawana dagaal dhexmaray.

Askarta Ethiopia ayaa xoogooda waxa ay ka bexeen gudaha Buuhoodle waxaana ay horay u kexeesteen gawaaridaasi oo qaar badan oo ka mid ah ay ku rarnaayeen bad eeco loo waday dhanka Deegaanada dhulka soomaalida Ethiopia.

Ciidamada Ethiopianka ah waxa ay weli ka caraysanyihiin dagaalkii lagula galay gudaha Buuhoodle waxaana dad badan ay fahmi la’yihin sababta gawaarida ay ula wareegeen.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments