Bartamaha(Xagar):-Xarakada Alshabaab ayaa guula buuxa ka sheegatay dagaalada ka socda Deegaanka Xagar Ee Gobolka Jubada Hoose halkaasi oo weli dagaalka uu ka socdo.

Afhayeenka Wilaayada Alshabaab Kismaayo Sheekh Xasan Yacquub Cali oo Saxaafada kula hadlay Magaalada Kismaayo ayaa waxa uu sheegay in dagaalka ay guula ka gaareen.

Sheekh Xasan Yacquub ayaa waxa uu sheegay in dagaalka ay ku soo qaadeen Koox uu hoggaan u yahay Sheekh Axmed Madoobe islamarkaana ay kaabayaan Jabhada ONLF.

Sheekh Xasan ayaa sheegay in ay dileen Maleeshiyaad la soo qalday oo ka mida Jabhada ONLF iyo Ciidamada Axmed Madoobe islamarkaana ay dib u caabiyeen Kooxdii weerarka soo qaaday.

Dagaalka ayaa lagu soo waramayaa in uu weli ka socdo Deegaanka Xagar halkaasi oo Madaafiic iyo rasaas culus ay ku dhexmarayso Kooxaha Alshabaab iyo Xizbul Islaam iyadoo aan wax war ah laga haynin dhanka Xizbul Islaam .

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments