Bartamaha(Muqdisho):-Xaalada Xaafadaha Woqooyiga Magalada Muqdisho ayaa saaka dagan ka dib dagaal qaraar oo shalay gabal dhicii ka dhacay Woqooyiga Magaalada Muqdisho.

Degmooyinka Woqooyiga Muqdisho oo shalay gabal dhicii uu dagaal xoogan ka dhacay ayaa saaka xasilooni laga dareemayaa ka dib dagaal xoogan oo qasaara geystay.

Dagaalka oo dhacay shalay galinkii danbe ayaa waxaa la xaqiijiyay in uu sababay dhimasho iyo dhaawac soo gaaray dad rayid ah taasi oo timid dagaal iyo duqeyn shalay ka dhacay Magaalada.

Degmooyinka Yaaqshiid ,shibis iyo Boondheere ayaa waxaa saaka laga dareemayaa jawi daganaansha ah iyadoo Ciidamada Dowlada iyo Xoogaga Islaamiga ah ay weli kala joogaan goobihii shalay ay ku dagaalameen.

Sida dadka deegaanka ay xaqiijiyeen waxaa dhimatay 5-ruux oo shacab ah iyadoo dhaawac ahaan loola cararay illaa 9-ruux kuwaasi oo dad shacab ah u badan ka dib markii madaafiic lagu garaacay xaafado dib loogu soo laabtay.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments