Bartamaha(Ceel-Baraf):-Dagaal xoogan ayaa saaka ka dhacay Deegaanka Ceel-Baraf Gobolka Sh/dhexe ka dib weerar xoogan oo lagu qaaday Ciidamada Alshabaab fariisin ay ku lahaayeen Deegaankaasi.

Maleeshiyaadka Deegaanka Ceel-Baraf ayaa saaka weerar Xoogan oo gaadma ah ku soo qaaday fariisinka Kooxda Alshabaab ee Deegaanka Ceel-Baraf halkaasi oo qasaara xoogan uu ka gaaray Kooxda Alshabaab .

Maleeshiyada oo si weyn u abaabulnayd ayaa waxa ay la wareegeen Deegaanka Ceel-Baraf halkaasi oo ay muddo ku sugnaayeen iyadoo deegaanka ay isaga carareen Ciidamada Alshabaab oo dagaal aanay filaynin uu qabsaday.

Maydka 1-nin oo Maleeshiyada ka mid aha ayaa lagu arkay gudaha Ceel-Baraf ka dib markii Ciidamada Alshabaab oo is abaabulay ay jihooyin badan ka soo galeen Tuuladaasi Ceel-Baraf .

Ceel-Baraf ayaa ah Deegaan tuula ah balse dhisan oo ay ka soo jeedaan Madaxweyne Shariif iyo Gudoomiyihii Maxkamadaha Islaamiga Gobolka Sh.dhexe kuwaasi oo la qiyaasayo in ay wax ka ogaayeen abaabulka maleeshiyada deegaanka.

War iyo Wacaal lagama haayo halkii ay ku danbeeyeen Maleeshiyada dagaalka saaka kula wareegtay deegaanka Ceel-Baraf halkaasi oo haatan ah goob xasiloon balse shaqaaqo dhimashi yo dhaawac dhalisay ay ka dhacday.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments