Bartamaha(Muqdisho):-Askarta Kooxda Alshabaab ayaa maanta weerar ku qaaday Kolonyo gawaarida Ciidamada Amisom ah xilli ay marayeen Wadada ka baxda Kuliyada Jaale Siyaad.

Weerarka oo ku bilowday qoriga loo yaqaan “Sabanka” ayaa la sheegay in lagu gubay gaari ka mid ahaa kolonyada Ciidamada Amisom ee ka baxaysay Kuliyada Jaale Siyaad.

Dagaal kooban ayaa ka dhacay goobta lagu gubay  Gaariga oo nuuciisa la sheegay in uu aha Booyada biyaha kaasi oo gabi ahaanba gubtay sida ay arkeen qaar ka mida dadka socdaalka ku soo maray wadadaasi.

Saraakiil Alshabaab ka tirsan ayaa la soo xiriiray warfidiyeenada iyagoo sheegtay masuuliyada weerarkaasi gaariga lagu qarxiyay kaasi oo ka dhacay Wadada Warshadaha.

Dagaalka kooban ee ka dhacay Wadadaasi ayaa sabab ka dhigay in wadada ay xeranto islamarkaana ay dhaawacmaan laba ruux oo la sheegay in ay ku waxyeeloobeen shil gaari oo ka dhacay wadada Warshadaha oo ka dhaweyd goobta la weeraray.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments