Sheekh C/qaadir Cali Cumar ayaa sheegay in ay jiraan dad ay nabaddu dhibayso islamarkaana dagaalo ka hurinaya gudaha Magaalada Muqdisho.

 

Kadib shir jaraa’id oo uu manta ku qabtay  gudaha Magaalada Muqdisho wasiirka arimaha gudaha dowladda Sheekh C/qaadir Cali Cumar ayuu waxaa ugu hadlay dagaaladii ugu dambeeyay ee ka dhacayay Magaalada Muqdisho,isagoo sheegay in ay u dhaxeeyeen ciidamo nabadda ka shaqeynaya iyo kuwa uu ku tilmaamay in ay  nabaddu dhibayso sida uu yiri.

 

Wasiirku waxaa uu meesha ka saaray in xiligaani la dagaalamo maadaama sida uu sheegay Xukuumadda iyo Barlamankuba ay qaateen waxyaabihii loo dagaalamayay ee ahaa ku dhaqanka Shareecada islaamka.

 

Waxaa uu ugu baaqay dadka uu sheegay in ay dhibaato ka shaqeynayaan in ay dagaalada joojiyaan oo ay nabadda qaataan,isagoo tilmaamay inaysan waxba soo kordhiunayn dhiig Muslim oo la daadiyo.

 

Ugu dambeyntii Wasiirka arimaha gudaha dowladda KMG Soomaaliya Sheekh C/qaadir Cali Cumar ayaa waxaa uu  tacsi u diray dhamaan dadkii ku wax yeeloobay dagaaladii ka dhacay shalay Magaalada Muqdisho

Comments

comments