Bartamaha (Nairobi):- Qof walba waxa uu jecelyahay dooq iyo wax uu si gaar ah u xiiseeyo balse marka ay timaado telephone dadku waxa ay wada jecelyihiin in ay isticmaalaan telephone-ka ugu wanaagsan ama Nooca ugu danbeeya ee shirkadaha caalamka ay soo saaraan.

Shirkadda Apple ee xarunteedu tahay Magaaladda Cupertino ee Gobalka California ee dalka Mareekanka ayaa soo saarta telephone-ka iPhone 4 ee loo yaqaan iPhone ayaa soo saartay nooc cusub oo telephone-ka iPhone ka tirsan loona bixiyay iPhone 4 iyadoo la shaaciyay in la iibin doono June 24, 2010 oo laga joogo maalmo kooban.

Nooca cusub ee telephone-ka iPhone 4 ee lagu soo bandhigayay Dalka Mareekan-ka iyo afar dal oo yurub ah sida dalalka England, France, Germny iyo dalka Japan iyadoo markii ugu horeesayba la iibsaday 1.7 Milyan iPhone 4 oo ah nooc cusub oo lagu soo kordhiyay waxyaabo badan oo uu dheeraan doono telephone-dii ay shirkada horay u iibisay.

“Waxaan ka cudur daaraneeynaa in dad badan oo Kalyeenti ah aysan helin iPhone 4 sababtuna waxay ay tahay kuma tala galin in dad xadigan dhan ay iibsan doonaan” sidaa waxaa yiri ninka ugu sareeya shirkada Apple ee lagu magacaabo Steve Jobs.

Dhanka kalle waxaa la xaqiijiyay in Wariyaasha ay jecelyihiin in ay isticmaalaan telephone-ka iPhone ee shirkada Apple ay soo saarto sababtuna waxay ay tahay waa Telphone muuqaal wanaagsan leh iyadoo inta badan news-ka, Sports-ka iyo Madadaaladda sida isticmaal-ka Facebook uu ku wanagsansanyahay.

Shirkada Apple ayaa dhamaadka bisha July ee foooda nagu soo heeysa waxa ay soo bandhigi doontaa qeybtii labaad ee suuq geynta telephone-ka cusub ee iPhone 4 iyadoo dalal badan markan lagu soo bandhigi doono.

Dabcan dad badan oo Soomaali ah oo jecel isticmaalida telephone-ka laga daba dhacay ee iPhone ayaa jira, waana filayaa in dad badan marka ay hadalkan aqristaan ay ka heli doonaan.
——————————–

Ibraahim Da’ud Abdalle

[email protected]

Xafiiska wararka Bartamaha ee Geeska Africa.

sawiro dheeri ah halkan ka daawo.

Comments

comments