Wararka ka imaanaya dalka Syria ayaa sheegaya in ciidamada daacada u ah hogaamiyaha dalkaas ee Bashaar Alasad inay dileen dad kor u dhaafaya 1300 oo qof kuwaasoo ku dhintay magaalooyin ku hareeraysan Dimishiq caasimada Suuriya, kadib markii ay ciidamada dawlada u isticmaaleen hub kiimikaal ah.

Taleefishinka Aljazeera ayaa baahiyay sawirrada boqollaal dad ah oo mayd ah iyo kuwo ay neeftu ku xirantay oo rafanaya kuwaasoo la sheegay in loo isticmaalay gantaalo lagu soo xiray hubka kiimikaalka ah ee ay halista tahay in loo isticmaalo meelaha ay dagaalladu ka jiraan.

Dawlada Syria ayaa beenisay wararka sheegaya isticmaalka hubkan, mucaaradkuna waxay ugu baaqeen beesha caalamka inay xayiraad dhanka hawada ah saarto Syria.

Dalkaas ayaa muddo labo sano ka badan uu ka socdaa kacdoon looga soo horjeedo madaxweyne Bashaar Alasad oo ay ku dhinteen kumannaan kun oo dad ah.

Comments

comments