Bartamaha(Kismaayo):-Laba qarax oo aad u waaweyn ayaa Caawa ka dhex dhacay gudaha Masjid ku yaala Magaalada Kismaayo oo ay saraakiil sare ku dukanayeen.

Wararka naga soo gaaraya Magaalada Kismaayo ayaa sheegaya in qaraxyo Laba ah ay ka dhaceen gudaha masjid ku yaala Xaafada Guulwade galbeedka Magaalada Kismaayo halkaasi oo ay saraakiil shabaab ah ku dukanayeen.

Qaraxyada ayaa waxa ay ahaayeen kuwa loo malaynayo Bamka gacanta laga gano waxa ayna ku dhaceen gudaha masjidka halkaasi oo dadka ay xiligaasi salaada faaruqeen.

Qaraxyada ayaa waxaa la soo sheegayaa in lala beegsanayay madax Caan ah oo ka mida Alshabaab kuwaasi oo ku dukanayay masjidka ku yaala Xaafada Guulwade.

Warar hordhac ah ayaa sheegaya in qaraxa ay ku dhinteen 4-qof waxaana ku dhaawacmay in ka badan 15-ruux oo Ciidan,shacab iyo Saraakiil leh oo dhammaan ku dukanayay masjidka labada Bam lagu qarxiyay.

Wararka ayaa isa soo taraya waxaana xilli waliba la soo sheegayaa in qasaaraha uu yahay mid intaasi ka badan maadaama masjidka la buux dhaafiyay xiliga salaada la galayay taasina ay muujinayso in tirada dhimashada iyo dhaawaca uu intaasi ka badanyahay.

Wixii soo kordha kala soco Barta wararka xaqiiqda ah www.Bartamaha.Com

Xafiiska Wararka Soomaaliyeed www.Bartamaha.Com

Muqdisho-Somalia

Comments

comments