Kismaayo: Bartamaha- wararka ka imaanaya magaalada kismaayo ee xarunta gobolka Jubadda hoose ayaa sheegaya in masaajid ku yaalla xaafadda guulwade ee galbeedka magaalada kismaayo qarax uu cawaa ka dhacay.

Masaajidka ayaa wakhtiga qaraxani uu ka dhacayay waxaa ka socday tafsiirka quraanka kariimka iyadoo dadka masaajidka ku sugana ay sugayeen gabagabada tafsiirka iyo in markasi ay isu diyaariyaan gudashada salaadii cishe.

Dad ku sugan xaafadda Farjano ee magaalada kismaayo ayaa Bartamaha u xaqiijiyay in Masaajidkan oo ku yaalla xaafadda guulwade oo ah xaafadaha ugu dhismo danbeeya magaalada kismaayo lagu weerary bam gacanta laga tuuro, kaasi oo sababay dhimashad labo ruux iyo ku dhawaad 20 ruux oo dhaawac ah.

Magaalada kismaayo oo ah goob ay gacanta ku hayaan xarakada mujaahidiinta Al shabaab ayaa goor sii horeysayna waxaa lagu dilay xaafadda Siinaay ee waqooyiga kismaayo taliyihii kooxda al shaab ee deg,ada Dhoobley.

Qaraxan caawo lagu weerary masaajidka ku yaalla magaalada kismaayo ayaa waxa uu imaanayaa maalin un kadib markii labo qarax oo nooca miinada ah lagu weeray masaajid ku yaalla suuqa baklaaraha qeybta cabdala shideeye ee magaalada muqdisho oo ay ku nafwaayeen dad kabadn 40 ruux halka tiro kalana uu dhaawac ka soo gaaray.

Xafiiska Bartamaha ee Nairobi.

A A SHIRE.

Comments

comments