Bartamaha(Muqdisho):-Duqeyn ba’an ayaa xiligan waxa ay ku dhacaysaa xaafado ka mida Degmooyinka Woqooyiga Muqdisho halkaasi oo kala carar xoogan uu ka jiro.

War hadda aynu ka helnay Deegaanka Suuq Bacaad oo ka mida Degmada Yaaqshiid ayaa sheegaya in madaafiic culus ay deegaankaasi ku dhacayso iyo xaafado kale oo ka mida Degmooyinka Woqooyi.

Duqeynta ayaa waxaa laga maqlayaa inta badan magaalada Muqdisho iyadoo tiro madaafiic ah ay ku socoto Xaafadaha Siinaay iyo Suuq Bacaad halkaasi oo la aaminsanyahay in ay joogaan Islaamiyiinta iyo shacab ka tira badan.

Madaafiicda u badan hubka loo yaqaan  Hoobiyaha ayaa waxa ay ku  bilaabatay deegaankaasi abaara 10:00-barqanimo iyadoo lagu garaacayo xaafado ka mida Woqooyiga Magalada Muqdisho taasi oo si darandoori ah u socota.

Duqeynta ayaa waxa ay u muuqataa mid ka sii daraysa oo meelo badan ku baahaysa iyadoo Deegaano ka mida Kaaraan iyo C.Casiis laga maqlayo daryanka madaafiicdaasi wallow deegaanadaasi ay yihiin aagag dagaal.

Wixii ku soo kordha duqeynta maanta socota kala soco www.Bartamaha.Com

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments