Bartamaha(Muqdisho):-Laba Qarax oo ah nuuca Miinada ah ayaa daqiiqado ka hor ka dhacay Masjid ku yaala Suuqa Bakaaraha oo dad badan ay ku la’deen.

Qaraxa ayaa dhacay ka dib salaadii Duhur xiligaasi oo uu masjidka ka istaagay Wadaad caan ah oo ka mida Alshabaab kaasi oo xiliga hadalka uu bilaabay qarax Xoogan uu dhacay.

Qaraxa 1-aad ayaa ka dhacay goobta uu fadhiyay Sargaalka shabaabka ah waxaana ka dib uu qaraxa ka sii dhacay qeybta sare ee Masjidka taasi oo muujinaysa in xiligaasi qaraxyada ay qorsheysnaayeen.

Xaalada ayaa kacsan gudaha Suuqa Bakaaraha waxaana yaala gudaha Masjidka Maydadka rag badan oo ku dukanayay Masjidka iyo wadaado caan ah oo shabaabka ka mid ah.

War si hoose inoo soo gaaray ayaa sheegaya in uu dhaawacmay Sheekh Fu’aad Shangole oo ahaa sargaal shabaabka ahaa ee qaraxa lala beegsanayay sida uu inoo sheegay qof masjidka ku dukanayay.

Wixii soo kordha www.Bartamaha.Com kala soco.

Xafiiska Wararka Soomaaliyeed www.Bartamaha.Com

Muqdisho-Somalia

Comments

comments