Bartamaha (Muqdisho):- Wararka hadda naga soo gaaray Magaalada Muqdisho ayaa sheegaya in Alshabaab ay guula muuqda ka gaareen dagaalka ka socanaya gudaha magaalada.

Dhawaqa rasaasta iyo madaafiicda ayaa xoogooda dib u qarxay abaara 5:00-galabnimo ka dib markii Ciidan xoog badan oo ka soo dhaqaaqay xerooyinka shabaab ee Degmada Dayniile iyo Suuqa Xoolaha ay galeen dagaalka.

Dagaalka ayaa xoogiisa waxa uu ka qarxay wadada Dabka illaa Terbuunka markii Shabaabka ay booska u baneeyeen Xizbul Islaam oo dagaalka sidaasi uu ugu xoogaystay aagaga ay ku wareejiyeen shabaabka kooxda Xizbiga oo aan dagaalka galabta qeyb ka ahayn.

Ciidanka Alshabaab ayaa la xaqiijiyay in ay cagahooda dhigeen Jidka Dabka iyo qeyb ka mida Wadada Shaqaalaha xilli ay daarya Shaqaalaha saaranyihiin Ciidanka Amisom oo si xoog badan dagaalka uga qeyb ah.

Shabaabka waxa ay awood uga soo saareen Xaafadaha Siigaale iyo agagaarka Baar Raaxo Ciidankii ahlu sunnah ee saaka sida weyn u difaacayay wadadaasi Dabka oo ay shabaabka ka joogeen dhanka Isgoyska Bakaaraha.

Xaalada ayaa aadi u cakiran waxaana laga baqanayaa in dagaalka uu meela badan ku baaho xilli Hoobiyayaasha ay si toos ah ugu dhacayaan dhulka ay dowlada maamusho sida Degmada Waabari oo shacabkii ugu bandaa saaka isaga qexeen.

www.Bartamaha.Com kala soco wararka ugu danbeeya ee dagaalada.

Xafiiska www.Bartamaha.Com Ee Geeska Afrika.

[email protected]

Comments

comments