Bartamaha(Balad-Weyne):-Warar hadda naga soo gaaray Magaalada Baladweyne ayaa sheegaya in dagaal xoogan uu ka bilowday xaafadaha Magaalada Baladweyne iyadoo dagaalka ay ku biireen Kooxda Shabaab.

Wararka www.bartamaha.Com soo gaaraya ayaa sheegay in Dagaalka uu bilowday duhurnimadii manta ka dib markii Ciidamo Xoogan oo ka  mida Kooxda Shabaab ay magaalada gaareen si ay dagaalada ugu caawiyaan Maleeshiyada Xizbul Islaam.

Dagaalka ayaa waxa uu si xoogan uga socanayaa xaafadaha Buundooyinka Liiq-Liiqato iyo Buundo Weyne oo ay kala joogaan Labada Koox ee xiligii hore dagaalka u dhexeeyay Ee Ahlu sunnah iyo Kooxda Xizbul Islaam.

Hadda ayaa xaalada ay tahay mid kacsan iyadoo madaafiic lagu garaacayo xaafadaha magaalada qaarkood iyadoo maleeshiyaadka is haya ay ka mid noqdeen Kooxda ALshabaab oo gurmad ka soo dirtay Jalalaqsi iyo Buulabarde.

Wixii warar ah ee dagaalka wejiga cusub galay yeeshay ku soo kordha kala soco www.Bartamaha.Com

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments