Bartamaha(Baydhabo):-Dab xoogan ayaa duhurnimadii Maanta ka kacay Bartamaha Magaalada Baydhabo ee Xarunta Gobolka Bay halkaasi oo dadaal lagu daminayo dabkaasi uu ka socanayo.

Dabka Xoogan ayaa abaara 12:00-Duhurnimo ka kacay goob Bakhaar raashin gudaha Magaalada Baydhabo halkaasi oo dhibaato xoogan ay ka dhalatay.

Dabka ayaa ku faafay goob shidaal lagu iibinayay oo ku talay Afar Irdoodka Baydhabo iyadoo dabka uu noqday mid faafay oo holac xoogan uu ka baxayo sida suxufiyiinta ay sheegayaan.

Xaalada Baydhabo ayaa ah mid aad u kacsan iyadoo la xeray guud ahaan Ganacsiga Magaalada si loogu gurmado goobta dabka uu ka kacay oo la sheegay in dad badan ay gurmad wadaan si loo damiyo dabkaasi.

Dabka ayaa sabab ka dhigay in uu dhinto milkiilihii Bkhaarka raashinka ka dib markii uu isku dayay in uu khasnad ka soo saaro goobta dabka uu ka holcayay oo isagiina uu ku gubtay.

Wixii warar ah ee ka soo baxa Dabkaasi iyo qasaaraha ka dhasha kala soco www.Bartamaha.Com

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments