Bartamaha (Hargeysa):- Noclas Bwakira Wakiilka Midowga Afrika Ee Arimaha Dalka Soomaaliya ayaa maanta magaalada Hargaysa kulan kula qaatay madaxda Maamulkaasi.

Wakiilka Midowga Afrika Ee Arimaha Wadanka Soomaaliya ayaa la xaqiijiyay in uu shalay gaaray magaalada Hargaysa halkaasi oo uu kulamo kula yeeshay maanta madaxda Dowlada Somaliland.

Bwakira ayaa la sheegay in uu maanta magaalada Hargaysa kulan kula yeeshay Madaxweynaha Maamulkaasi Daahir Riyaale Kaahin sida ay noo xaqiijiyeen suxufiyiinta ku sugan Magaaladaasi.

Xizbiyada Ucid iyo Kulmiye ayaa la sheegay in ay dhankooda kulamo la yeesheen Wakiilkaasi iyagoo kala hadlay arimaha maamulkaasi iyo hormarka axsaabta Ee Deegaanada Somaliland ka jirta.

Waa markii ugu horeysay Ee uu gaaro Magaalada Hargaysa Noclas Bwakira xilli maamulka Soomaaliland aanay wax aqoonsi ah ka helin midowga Afirika oo illaa haatan deegaanadaasi u yaqaana dhul soomaaliyeed oo nabad ah.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments