Muqdisho. (www.Bartamaha.com):- Wafdi uu hogaaminayo Madaxweynaha Soomaaliya Sheekh Shariif Sheekh Axmed ayaa w axaa maanta barqadiidii ka dhoofay garoonka diyaaradaha Aadan Cadde ee magaalada Muqdisho.

iloo ku dhow xafiiska madaxweynaha ayaa u sheegay www.bartamaha.com in Wafdiga Madaxweynuhu uu kusii jeedo magaalada Dubai ee isutaga Imaaraadka Carabta, ka dib markii uu casuumaad ka helay amiirka dalkaas.

Madaxweyne wafdigiisa waxa ka mid ah Wasiirka Wasaaradda Qorsheynta iyo Iskaashiga Caalamiga Cabdulaahi Goodax Barre iyo Saraakiil ka tirsan Madaxtooyada.

Waxa xusid mudan in uu sii sagootiyey Ra’isulwasaaraha XKMG ah Soomaaliya Dr Cabdi Weli Maxamed Cali iyo xubno ka tirsan Labada golle ee Dowladda.

Dhinaca kale Madaxweynaha iyo wafdigiisa inta aysan ka duulin garoonka muqdisho waxa ay garoonka Aadan Cadde kula kulmeen Wafdi ka socda Q.M oo uu hogaaminayo Ergeyga Xoghayaha guud ee Q.M u qaabilsan arrimaha Soomaaliya Danjire Agoustine Mahiga oo ay ka wada hadleen xaalada dalka Soomaaliya.

Madaxweyne Sheekh Shariif Sheekh Axmed ayaa garoonka diyaaradaha magaalada Muqdisho waxa uu ka raacay diyaarad kuwa rakaabka qaada ah gaar ahaan mid kamid ah diyaaradaha Shirkadda diyaaradaha Jubba Airways taasi oo ay sidoo kale saaran yihiin dad Shacab ah waxaana uu Madaxweynaha Jamhuuriyadda iyo Wafdigiisa ay sidoo kale soo mari doonaan magaalada Addis Ababa ee dalka Ethiopia halkaasi oo uu kaga qaybgalayo shir looga hadlayo Abaaraha Soomaaliya oo Madaxda Afrika ay yeelanayaan 25-ka bishan.

W/D:Xafiiska Wararka www.Bartamaha.com Muqdisho Soomaaliya

Comments

comments