Golaha Amaanka ayaaa waxa uu kadalbaday wadamada Carabta in ay joojiyaan ka ganacsiga Dhuxusha Sharci darada ah oo ay Golahu Ammaanka ay aaminsan yihiin in ay Lacagaha laga helo ka ganacsiga dhuxusha ay gacanta u galaan Xarakada Al-Shabaab.

Golaha Amaanka ayaa intaasi ku daray in Wadamada Carabta looga baahanyahay in ay dhowraan Xayiraadaha saaran Dhuxusha Soomaaliya oo ay ku soo rogtay Golaha Ammaanka.

Golaha Amaanka ayaa sheegay in ka ganacsiga Dhuxusha ay tahay dhaqaalaha ugu badan ee  Dhaq dhaqaaqa AL-Shabaab ay ku fuliyaan Weerarada ay ka gaystaan gudaha Magaalada Muqdisho.

Golaha Amaanka ayaa waxa uu horay ugu eedeeyay Ganacsatada kasoo jeeda dalalka Carabta in ay si Sharci dara ah u soo dhoofsadaan Dhuxusha dalka Soomaaliya.

Horay ayaa golaha Amaanku u sheegeen in ku dhawaad lacag gaaraysa $25 Million ay Shabaab jeebka ku shubteen lacagtaas oo kasoo gashay Dhoofinta Dhuxusha Soomaaliya, taasi badalkeedana ay wiiqday Dadaalada loogu jiro sidii  Nabada iyo Xasilooni loogu soo dabaali lahaa dalka Soomaaliya.

Comments

comments