Ururka Al-shabaab ayaa lagusoo waramayaa in habeenkii xalay  duleedka degmada Qoryoolay ay ku gubeen gaari siday shixnad Raashin ah oo urarna ganacsato degan gobalka Shabeelaha Hoose.

“Gaariga shixnada uu waday waxay isugu jirtay Raashin iyo agab kale, waxay ahayd inuu xalay ku hoydo deegaanka Danaw markii uu gabalku dhacay, Nasiib daro sidaasi masamayn habeenimo ayuu soo guureeyay” sidaasi waxaa saxaafada usheegay gudoomiyaha degmada Qoryoolay Maxamed Xaaji Cismaan.

” Gaariga markii uu god ku dhacay ayaa suurta gashay inay nimankaasi qabtaan, kadibna ay gubaan waxayna taasi kasoo hor jeeda nolosha bini’adanimada” ayuu hadalkiisa raaciyey guddomiyaha qoryoolay.

Ururka Al-shabaab ayaa isku dayaya inay go’adoomiyaan deeganada gacantooda kabaxay, iyagoona ku amra gadiidka badeecada sida inaysan wax raashin ah gayn deeganada lagala wareegay.

 

Comments

comments