Muqdisho_ Sida ay sheegayaan warar hoose oo ay warbaahintu ka helayso xafiiska madaxweynaha Somaliya Xasan Shiikh Maxamuud, waxaa dhowaan la doonayaa in xilka laga qaado taliyaha ciidanka Booliska Somaliya Gen. Saacid.

Wararka ayaa sheegaya in madaxweyne Xasan uu kalsooni buuxda ku qabin Gen. C/xakiin Daahir Saciid, waxaana ay xil kaqadistisu ay qayb katahay isbedelo uu madaxweynuhu sheegay in laga samaynayo dhanka Amniga.

Madaxweynaha Somaliya Xasan Shiikh Maxamuud ayaa la sheegay inuu dhowaan kullan laqatay siyaasiyin ay isku hayb yihiin Gen. Saacid, uuna ku wargeliyay inuu bedeli doono, isagoo xusay inuu sameeyay xadgudubyo dhor ah.

” Walaalayaal waad la socotaan isbad ayaa  ka bilowdey   Muqdisho guddoomiyihii gobolka waan badalay Jeneraalkana sidaasoo kale ayaan qorsheynayna inan  u badalno xalkana sidaasan u  aragnay  ” ayuu u sheegay raggii uu la shiray madaxweynaha.

Dhinaca kale warar hoose oo aan helayno ayaa sheegaya in siyaasiyinta uu la shiray Xasan Sheekh ay kadalbadeen inuu Gen. Saacid u magacaabo Safiir madaama uu jogo sare soo qabtay.

Gen. Saacid ayaa iminka booqasho ku jooga Puntland, iyadoo uu xiligani gaabis kajira xiriirka Puntland iyo dowlada Federalka Somaliya.

www.Bartamaha.com

Comments

comments