Bartamaha(Gaal-Kacyo):-Taliska Booliiska Magaalada Gaal-Kacyo ayaa ka hadlay howlgalo lagu qabqabtay kooxo looga shakiyay qaraxyada dhawaanahan ku soo kordhay gudaha Magaalada Gaal-Kacyo.

Muuse Xasaasi taliyaha Ciidamada Booliiska Magaalada Gaal-Kacyo ayaa saxaafada u sheegay in ay qabteen Kooxo looga shakisanyahay in ay ka danbeeyeen qaraxyada habeenadii la soo dhaafay ka dhacayay Magaalada Gaal-Kacyo.

Xasaasi ayaa waxa uu sheegay in la qabtay dhalinyaro laga helay astaamo laga shakiyay oo aanu fasirin kuwaasi oo haatan lagu wadop su’aalo ku wajahan dinbiga looga shakiyay.

Ciidamada ammaanka Magaalada Gaal-Kacyo ayaa waxa ay sameeyeen howlgalo balaaran oo ay ku adkaynayaan ammaanka guud Ee Gobolka gaar ahaan Xarumada Dowlada Ee Magaalada Gaal-Kacyo.

Xalay ayay ahayd markii qarax Bam lagu weerarayay Ciidamo Dowlada ka tirsan xilli ay marayeen gudaha Magaaladaasi taasi oo sababtay dhaawacyo gaaray qaar ka mida Ciidamada Booliiska wallow aan xiligaasi la qaban kooxaha qaraxaasi geystay.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments