Bartamaha (Afgooye):- Dadka reer Afgooye ayaa maanta ku diimay cunitaanka Hlibka Geela ka gadaal Xizbul Islaam oo diiday in la qalo geelii loogu tala galay Degmadaasi.

Ganacsatada Hilibka ee Degmada Afgooye ayaa waayay hilibkii ay ka ganacsan jireen ka gadaal markii Xizbul Islaam aya shalay ganacsatada ku wargalisay in aan la gowrici karin Geela.

Sababta ugu weyn ee loo mamnuucay ka ganacsiga Hilibka Geela ayaa loo aanaynayaa ganacsatada oo la faray in ay joojiyaan haraadiga Hilibka geela oo ay ku iibinayaan gudaha xaafadaha Afgooye.

Maanta dadka Afgooye dagan ayaa helay Hilib kooban oo xoolaha nuucyada kala ah sida Ariga iyo lo’da waxaana guud ahaan deegaanka Siinka dheer ku xayiran geelee lagu qali lahaa afgooye.

Kooxda Xizbul Islaam ayaa waxa ay u sababaysay diidida Hilibka geela nadaafad daro ka dhalatay suuqa Hilibkaasi lagu iibiyo maadaama ganacsatada Hilibka ay iibiyaan Caloosha iyo luqunta taasi oo keentay in jarjarka hilibkaasi uu badalay hawada suuqa Hilibka Afgooye.

Xafiiska www.Bartamaha.Com Ee Bariga Afrika.

[email protected].

Comments

comments