Ugu yaraan labo nin oo Soomaali ah ayaa lagu dilay weeraro habaynkii xalay ahaa lagu qaaday.

Raggan ayaa mid kamid ah lagu dilay goob ganacsi oo uu ku lahaa magaalada Cape Town oo kamid ah magaalooyinka waawayn ee waddankaasi koonfur afrika.

Waxaana dad goob joogayaal ay sheegeen in ninkaani uu u geeriyooday dhaawac kasoo gaaray rasaastii lagu furay xilli uu ku jitay isbitaal ku yaalla magaalada Cape Town.

Ganacsadaha kale ayaa isna lagu dilay magaalo kale oo la yiraahdo Rustenberg.

Waxaana dalkaasi koonfur afrika ka soconaya weeraro aan kala go’ lahayn oo lagu hayo ganacsata Soomaalida ah kuwaasoo ay gaystaan burcad u dhashay dalkaas.

Weeraradan ayaa muujinaya in ballanqaadyadii dawlada waddankaasi ay ku sheegtay inay ilaalin doonto Soomaalida iyo ajnabiga kale ee la weeraro inaysan waxba ka hirgalin maadaama ay sii socdaan weeraradu oo aysan jirin cid loo soo xiray.

Comments

comments