Bartamaha(Muqdisho):-Shirkadda Xawaalada Dahabshiil ayaa waxa ay maanta deeq isugu jirtay raashin iyo Saliid waxa ay u qeybisay dadkii dhawaan isaga cararay magaalada Muqdisho ee haatan ku dacdaraysan deegaanada u dhexeeya Muqdisho iyo Afgooye.

Deeqda manta ay shirkadaasi qeybisay ayaa waxa ay isugu jirtay raashin iyo Saliid kuwaasi oo ay shirkadu gaarsiisay ilaa ku dhawaad 2000-Qoys kuwaasi oo ku sugnaa ilaa dhowr kaam oo ay daganaayeen barakacayaasha Muqdisho.

Wakiilka Shirkada Xawaalada Dahabshiil Ee Gobolada Banaadir Sh/Hoose iyo Sh.dhexe Cabdullaahi Nuure Ow-Diini ayaa tilmaamay in ay manta deeq ka kooban ilaa 900-loor oo Galay ah iyo 300-Kartoon oo saliid ah taasi oo uu sheegay in ay geeyeen kaamamka barakacayaasha deegaanada u dhexeeya Muqdisho iyo Afgooye.

Dadka ay gaartay deeqda raashinka ah ee Dahabshiil ay qeybsaya aya waxa ay ka mahadceliyeen gargaarkaasi lama filaanka ah oo ay dadka kaga farxiyeen iyadoo ay tilmaameen in shacabka deeganadaasi ay xiligan u baahnaayeen gargaarka manta la siiyay.

Ma aha markii ugu horaysay oo ay shirkadda Xawaalada Dahabshiil ay deeq gaarsiisay shacab dhibaataysan iyadoo ay dhowr jeer ooh ore ay gargaar la gaareen deegaanada dadku ay ku dhibanyihiin ee caasimada iyo gobolada dalka intaba.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments