Bartamaha(Muqdisho):-Inta la ogyahay waxaa geriyootay 4-Haweeen ah 7-kalana dhaawac ayaa soo gaaray ka dib markii uu shil galay gaari waday qaad duleedka Muqdisho.

Gawaarida qaadka keena Magaalada Muqdisho oo xiliga ay marayaan wadooyinka la moodo diyaarad duulaysa ayaa waxaa mararka qaar soo wajaha shilal qasaara badan sababa.

Shilka maanta ka dhacay Deegaanka Lafoole duleedka Muqdisho ayaa yimid ka dib markii gaari siday Qaad uu wadada ka kaxay ka dibka uu rogmaday isagoo saddex jeer iska dabo gadoomay sida ay dad deegaanka sheegeen.

Illaa 4-Haweenka ka ganacsan jiray Qaadka ayaa dhintay 7-kalana dhaawac ayaa soo gaaray ka dib shilkaasi ka dhacay wadada Deegaanka Lafoole oo dhaca inta u dhexeysa Muqdisho iyo Afgooye.

Dadka dhaawaca ah oo aad u liita ayaa lagu daweynayaa Isbitaalada Muqdisho oo la soo gaarsiiyay halkaasi oo la sheegay in mid ka mida Haweenka ay ku dhimatay.

Gawaarida Q1aadka ayaa ah kuwa inta badan shilal ku gala wadoyinka magaalada soo gala gaar ahaan Muqdisho iyo Afgooye wadada xiriirisa oo ay ku soo maraan Xawaare sare.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments