Bartamaha(Jowhar):-Shil gaari oo ay ku dhaawacmeen in ka badan 15-ruux ayaa waxa uu Xalay ka dhacay Wadada dhanka Muqdisho ka soo gasha Degmada Jowhar.

Shilka ayaa yimid ka dib markii uu wadada ka baxay gaari nuuca Waaraadka ah xilli uu soo galayay Magalada Jowhar Ee Gobolka Sh/Dhexe taasi oo sababtay in uu rogmado gaarigaasi.

Illaa 15-ruux ayaa dhaawac culus uu ka soo gaaray gaariga rogmaday kuwaasi oo loola cararay Isbitaalka Magaalada Jowhar Ee Gobolka Sh/Dhexe halkaasi oo haatan lagu dabiibayo.

Dhaawacyada ayaa waxa ay yihiin intooda badan kuwa lafaha ay ka jabeen ka dib markii uu ka dul dhacay gaariga ku rogmaday afaafka hore Ee Magaalada Jowhar.

Shilalka gaadiidka ayaa dhawaanahan noqday mid ku soo batay gobolada Koonfurta Soomaaliya oo wadooyinka ay yihiin kuwa burburay oo aan dayac tir buuxa helin.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments