Bartamaha (Afgooye) Shilkan gaari ayaa saaka ka dhacay Wadada u dhexeysa Magaalada Muqdisho iyo deegmada Afgooye halkaasi oo laga soo qaaday maydadka iyo dhaawaca rakkaabka gawaarida isku dhacday.

Shilka oo ka dhashay isku dhaca laba gaari oo rakaab ah ayaa sababay dhimashada 2-ruux iyo dhaawaca 7-kale kuwaasi oo ahaa rakaabkii labada gaari iyadoo isbitaalada loola cararay dhaawacyada .

Labada gaari ayaa la xaqiijiyay in ay isku dheceen ka dib markii wadada Carbiska ay isaga horyimaadeen gaarli Homey rakaab uu saarna iyo gaari khudaar waday oo ka yimid dhanka Degmada Afgooye.

Bilihii la soo dhaafay ayaa waxaa sii kordhayay qasaaraha dadka shacabka ah ka soo gaaray gawaarida sida xawaaraha ah loo wadyo islamarkaana darawalo aan khibrad lahayn ay wadayaan.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments