Bartamaha(Wala-Weyn):-Shil gaaro oo sababay dhimashada 6-ruux iyo dhaawaca 7-kale ayaa maanta waxa uu ka dhacay duleedka Degmada Wala-Weyn ee Gobolka Sh/hoose.

Shilka gaariga qasaarahaasi dhaliyay ayaa waxa uu yimid ka dib markii gaari nuuca Waaraadka ah oo dad ay saarnaayeen uu ka horyimid gaari Dameer taasi oo sababtay in uu wadada ka baxo.

Gaariga rogmaday ayaa waxa uu ku socday xawaare sare taasi oo sahal ka dhigtay in uu si fudud ku rogmado qasaara xoogana uu gaaro rakaabkii.

Illaa 7-Dhaawac ah ayaa qaarkood loo soo qaaday isbitaalada Muqdisho iyadoo 6-ruuxna la aasay ka dib markii ay geeriyoodeen.

Dhawaanahan waxaa soo badanayay shilalka gawaarida ku safarta gobolada dhexe iyo kuwa Koonfurta Soomaaliya taasi oo loo aaneeyay burburka wadada iyo khibrada darawalada.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

 

Comments

comments