Bartamaha(Muqdisho):-Gudoomiyaha Ururka Xizbul Islaam ayaa maanta ku dhawaaqay in ragga lagula dagaalamaayo Jubada Hoose ay yihiin Xizbul Islaam dagaalkana loo baahanyahay in Xal loo helo.

Sheekh Xasan Daahir Aweys Gudoomiyaha Kooxda Xizbul Islaam ayaa maanta markii ugu horeysay qiray in dagaalada lagula jiro Kooxda Xizbul Islaam islamarkaana ay masuuliyada weerarada ay leedahay Alshabaab

“ Dagaalka waa in loo fiiriyaa Shareecada Islaamka aniga waxaan u arkaa in uu Fitno yahay ragga lala dagaalamaayo waa Xizbul Islaam…anaga gala ma ihin walaalahayn Alshabaab waxaan leenahay dagaala daaya oo Shareecada aan u feerino Khilaafka…..Saraakiil Alshabaab waaye ragga la weerarayo oo meel walba lagula dagaalamayo” ayuu yiri Sheekh Xasan Daahir.

Hogaamiyaha Xizbul Islaam ayaa ku baaqay in arinta Kismaayo maamul ahaanteeda la isku fahmo maadaama ay ka dhaxayso Mujaahidiinta mana aha in Caadifad la soo galiyo meesha ayuu yiri Sheekh Xasan Daahir.

Gudoomiyaha Xizbul Islaam ayaa ugu danbayntii ugu baaqay Alshabaab in ay dagaalka joojiyaan islamarkaana wax walba Shareecada loo eego isagoo dalbaday wada hadal Kittaabka Allaah lagu kala baxayo.

Wadaadka ayaa maanta hadalkiisii ugu horeeyay ee dagaalada Kismaayo uu ka jeediyo uu ahaa mid aad u jilcan iyadoo uu wax walba oo dagaal ah uu ka doortay wada hadal Alshabaab ay la galaan .

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments