Bartamaha (Muqdisho):- Alshabaab ayaa maanta Muqdisho ku soo bandhigtay Ciidan xoogan oo loo bixiyay Kumandoska Alshabaab.

Ciidanka Alshabaab ee maanta la soo bandhigay ayaa tiradooda lagu qiyaasay 100-Askari oo shabaab ah balse loo tababaray qaab loogu yeeray Kumandoska doonaya in ay isbadal balaaran ka dhaliyaan dalka.

Xerada Maslax oo ku taala duleedka Magaalada Muqdisho ayaa waxaa saxaafada maanta kula hadlay saraakiil sare oo Alshabaab ah sida Afhayeenka hadda Ee Shabaabka Cali Dheere iyo Afhayeenkii xilka laga qaaday Sheekh Abuu Mansuur .

Xerada Maslax ayaa waxaa saxaafada loo geeyay maanta si ay u arkaan askarta Kumandooska ay u bixiyeen Alshabaab kuwaasi oo gaadiid yaryar iyo Mootooyin dulsaartay Hubka fudud iyo midka culus .

Maleeshiyadan maanta saxaafada loo soo bandhigay ayaa waxa ay soo bandhigeen Gaada ka ciyaar ay ku dhawaaqayeen Erayo ay ku muujinayaan in ay u diyaarsan yihiin dagaal ay la galaan wax ay ugu yeereen Cadowga Alle .

Cali dheere iyo Abuu Mansuur ayaa waxa ay labadaba saxaafada u sheegeen in ay doonayaan dagaal dhinac walba ah opo ay fulinayaan dhalinyarada maanta la soo bandhigay oo loogu magac daray KUMANDOS-ka Alshabaab.

Daawo Sawirada:-

Xafiiska www.Bartamaha.Com Ee Bariga Afrika.

[email protected].

Comments

comments