Bartamaha (Muqdisho):- Kooxda Alshabaab ayaa maanta mart kale Muqdisho ku gubtay raashin ay lahayd WFP xilli dad baahan ay ku dacdaraysanyihiin duleedyada magaalada.

Fagaara ku yaala Degmada Heliwaa Muqdisho ayaa waxaa la sheegay in shabaabka ay ku gubeen raashin aan tiradiisa la cadayn markii ay ka soo qaadeen Bakhaara ku yaala gudaha Suuqyada ay maamulaan Alshabaab.

Raashinka la gubayay ayaa waxa uu ka koobnaa Boorash,Galay iyo Masago ay dalka keentay Hay’ada Cunada ADuunka Ee WFP oo shabaabka hoeray dalka uga mamnuuceen markii xukun ay ku rideen.

Cali Maxamed Xuseen Cali Jeesto Gudoomiyaha Alshabaab Gobolka Banaadir oo saxaafada la hadlayay ayaa sheegay in raashinka uu yahay mid Halaabay oo aan dalkana loo ogolayn in lagu Iibiyo.

Sheekh Cali Jeesto Gudoomiyaha Alshabaab Muqdisho ayaa waxa  uu sheegay in dalka aan lagu arki karin raashinka WFP waxa uuna shaaca ka rogay in talaab cad laga qaadayo cidii weli haysa raashinka WFP.

Masuulkan shabaabka ugu qaabilsan Maamulka Gobolka Banaadir ayaa waxa uu u goodiyay ganacsatada Suuqyada Muqdisho oo uu u sheegay in aan la cafin doonin dhammaan hantida ay ka tacbadaan raashinka Hay’ada oo ay Iibinayaan.

Hadalkan Alshabaab ioyo Gubitaanka maanta ayaa ku soo aadaysa xilli duleedyada Magaalada  Muqdisho ay ku baahanyihiin dad badan oo dhibanayaal ah kuwaasi oo aan haysan gargaar iyo Gurmad Caalami ah.

Xafiiska www.Bartamaha.Com Ee Geeska Afrika.

[email protected]

Comments

comments