Bartamaha (Buur-hakaba):- Kooxda Alshabaab ayaa saaka Hubkii ka dhigtay Ciidanka Kooxda Xizbul Islaam ee hore u haystay Buurhakaba.

Ciidan xoog badan oo shabaab ah oo saaka gaaray Deegaanka Buurhakaba ayaa dagaal kooban ka dib hubkii ka dhigay Kooxda Xizbul Islaam oo qeyb ka mid ah ay shalay isku badaleen shabaab  markii hishiis hoore ay la galeen Alshabaab.

Wararka naga soo gaaaray Buur-hakaba ayaa sheegaya in Ciidanka Shabaabka ay la wareegeen saldhigii weynaa Ee Degmada waxaana mudadaasi ka dib bilowday dagaal toos ah oo Xizbul Islaam iyo Ciidanka shabaab u dhexeeyay.

Dagaalka saaka ka dhacay Degmada ayaa waxa uu u dhexeeyay Kooxd Xizbul Islaam ka go’day oo shabaab noqotay oo gacan ka heshay Ciidan ka yimid Baydhabo oo xoojinayay iyo Kooxdii Xizbul Islaam maamulkeeda Buurhakaba oo hubkii laga dhigay.

Hub ka dhigista lagu sameeyay Xizbul Islaam Maamulkeeda ayaa waxaa ka horeeyay dagaal qasaara ay isku gaarsiiyeen shabaabka iyo Xizbul Islaam oo muddo sacad ka badan ku dhexmarayay gudaha iyo daafaha Buurhakaba.

Xaalada ayaa caadi ku soo laabatay muddo yar ka dib ka gadaal markii Xizbul Islaam saraakiishooda iyo Ciidankooda hubkii laga dhigay oo laga saaray gudaha Degmada Buur Hukaba Ee Gobolkaasi Bay.

Xafiiska www.Bartamaha.Com Ee Bariga Afrika.

[email protected].

Comments

comments