Madaxweynahii hore ee dowladii KMG ee Soomaaliya Shariif Sh. Axmed iyo qoyskiisa ayaa ka tagay Muqdisho isagoona kusii jeeday magalada Kampala.

Warar ay heshay saxafada ayaa sheegayo in madaxweynaha Uganda Yuwari Musavani uu siiyay deegaan madaxweynihii hore halkaas oo la filayo inuu dago.

Xubno ka tirsan baarlamaanka Soomaaliya, xukuumadihii hore iyo siyaasiyiin kale ayaa la sheegay iney madaxweynahii hore kusii dhaweysay garoonka Diyaaradaha Muqdisho.

Shariifka ayaa inta badan ku sugnaa hoygii uu ka dagnaa Muqdisho tan iyo markii xilka madaxtinimada uu wareejiyey markii looga guuleystey doorasho xor iyo xalaal iney aheed lagu tilmaamay oo ka dhacday xarunta Iskool Boolisiya ee Muqdisho 10, September ee sanadkan.

La oga in madaxwenaha uu soo laaban doono iyo in kale, waxase jira warar kale oo sheegaya inuu tagi doono wadanka Mareykan-ka, wallow si toos ah cid u xaqiijisay aysen jirin.

Comments

comments