Madaxweynaha Jamhuuriyadda Soomaaliya Xasan Sheekh Maxamuud ayaa dalacsiiyay saraakiil ka tirsan ciidamada xoogga dalka, kuwaas oo dhawaan tababar ugu soo xirmay wadanka Uganda.

Saraakiisha la dalacsiiyay ayaa dhamaay 9-qofood iyadoona ay kazoo qeyb galeyn xafladda Wasiirka Gaashaandhiga Cabdi Xakiin Fiqi, Taliyaha Ciidamada Xoogga Dalka Cabdu Qadir Sh, Diinni.

Wasiirka Gaashaandhiga oo xafladda ka hadlay ayaa u hambalyeeyay saraakiisha uu sheegay iney shaqo badan sugayso oo laga doonayo iney cirib tiraan kooxaha u sheegay iney yihiin haraadiga Al Shabaab.

Sidoo kale Taliyaha xoogga ayaa sheegay in saraakiishan ay soo dhameysteen tababar ay ku qaadanayeen wadanka Uganda isla markaane ay diyaar u yihiin iney dalkooda u dagaalamaan.

Madaxweyne Xasan Sheekh oo ugu danbeyntii xafladda soo xirayay ayaa xusay sida ay muhiim u tahay in saraakiishan ay uga faa’ideystaan fursada ay haystaan oo dalkooda hooyo ay wax u qabtaan.

Markii ugu horeysay ayay tahay in madaxweynaha cusub Xasan Sheekh uu dalacsiiyo saraakiil, tan iyo markii xafiiska loo doortey bishii September ee lasoo dhaafey.

SAWIRO

[slidepress gallery='madaxweynaha-oo-saraakiil-dalacsiiyay']

Comments

comments