Bartamaha (Muqdisho) Warar xaqiiq ah oo soo gaaraya Xafiiska Wararka Soomaaliyeed www.Bartamaha.Com ayaa sheegaya in dhaawac culus uu soo gaaray taliyaha Ciidamada Xizbul Islaam Degmada Yaaqshiid.

Sargaalkan ayaa la sheegay in xalay qarax bam lagu weeraray xilli uu kusugaa Xaafada Juungal Ee Degmada Yaaqshiid halkaasi oo ay ka dhacday tacshiirad  xoogan oo uu ku dhaawacmay taliyahaasi.

C/Qaadir Cali(Gaay-Gaay) waa taliyaha Ciidamada Xizbul Islaam  Degmada Yaaqshiid waxaana xalay uu ku dhaawacmay qarax lagu tuuray goob ay ku sugnaayeen isaga iyo ilaaladiisa.

Dhaawaca Sargaalkaasi ayaa ah mid aad u culus iyadoo la dhigay isbitaalada qarsoodiga ah oo ay leeyihiin Islaamiyiinta waxaana lagu soo waramayaa in arintaasi ay sababtay isku dhac iyo khilaaf xoogan oo uu la socdo kala shaki xoogan.

Sargaal sare oo ka mida Xizbul Islaam ayaa u sheegay Xafiiska Warqabadka www.Bartamaha.Com in Ciidamada Ilaalada Sargaalkaasi ay bilaabeen baadi goobka ragga qaraxa la beegsaday  Sargaalkaasi oo la sheegay in ay ka midyihiin Xoogaga Islaamiga ah.

Ilaa haatan arintan qaraxa lagu weeraray Sargaalkaasi ayaa waxa ay sabab ka dhigtay in uu shaki soo kala dhexgalo Ciidamada Alshabaab iyo kuwa Xizbul Islaam Eek u wada sugan Degmada Shibis Muqdisho.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments