Bartamaha(Muqdisho):-Sargaalkan oo lagu magacaabi jiray C/qaadir Xamza Qataatow ayaa xalay kooxo Baastooladu ku hubaysan waxa ay ku dileen Agagaarka Isgoyska Black Sea Ee Muqdisho halkaasi oo uu ku sugnaa goob aan ka dheereen hoygiisa.

Kooxahan dilka gaystay ayaa la sheegay in ay ka koobnaayeen ilaa 4-Dhalinyara ah kuwaasi ayaa la sheegay in ay rasaas ku bilaabeen masuulkaasi xilli uu horfadhiyay guri uu ka daganaa Suuqa Cirtoogye Ee Bakaaraha.

C/qaadir Qataatow ayaa dhawaan ka soo gaystay ciidamada Maxkamadaha Islaamiga ah ee ka midnoqday dowlada Fd soomaaliya isagoo isku dhiibay Kooxda Xizbul Islaam.

C/Qaadir Qataatow ayaa la sheegay in ay ilaa 6-Xabadood ay ku dhifteen rag aan la aqoonsan balse ku hubaysnaa Bastooladu isla markaasina watay gaari yar iyagoo inta badan rasaasta ay kala dhifteen qeebaha sare ee jirkiisa Fiidnimadii hore ee xalay.

Dilkan ayaa ahaa mid qorshaysan kaasi oo ay gaysteen raggaasi Baastooladaha ku hubaysan kuwaasi oo xiliga ay dileen ka dib isaga tagay goobta falka ay ka gaysteen.

Xafiiska Wararka Soomaaliyeed www.Bartamaha.Com,

Muqdisho-Somalia.

Comments

comments