Bartamaha (Muqdisho):- Qarax aad u xoogan ayaa Xalay lala beegsaday gaari ay la socdeen saraakiil sare oo Shabaab ah kuwaasi oo marayay meel aan ka dheereen Suuqa Bakaaraha.

Miino nuuca dhulka lagu aaso ayaa Xalay la kacday gaari ay saarnaayeen Saraakiil culculus oo shabaab ah kuwaasi oo ka soo baxay meel aan ka dheereen Masjidka Nasru diin oo ay shabaabka hadda awood ahaan haystaan.

Shabaabka saraakiishooda waxaa la qarxiyay markii ay shir ka soo bexeen iyadoo uu hawadea galay gaarigii ay saarnaayeen Saraakiisha la weeraray oo dhimasho iyo dhaawac wada noqday markii qaraxa uu haleelay.

Inta warar la xaqiijiyay lagu helay waxaa dhimatay 5-Askari oo saddex ay yihiin Saraakiil sare oo aan magacyadooda weli la soo bandhigin halka 4-kale oo ah maleeshiyada ilaalinaysay saraakiisha ay dhaawacmeen.

Qaraxa oo ka dhacay dhismayaal aan loo dhawaan oo ay ku shiraan saraakiisha Sare ee Shabaabka ayaa waxa ay dad badan malaynayeen maerkii ay maqleen dhawaqa qaraxa in uu ahaa Madfac ay diyuurad soo riday wallow Miino uu ahaa sida Goob Joogayaal ay cadeeyeen.

Ma jiro wax war ah oo ka soo baxay saraakiisha shabaabka waxaana Hanjabaad iyo handadaad loo jeediyay Idaacado isku dayay in ay warbixin ka sameeyaan goobta qaraxa uu ka dhacay oo ahayd wadada u dhexeysa Baar Ubax iyo Jidka Warshadaha oo ay ku xoog badanyihiin Alshabaab.

Xafiiska www.Bartamaha.Com Ee Geeska Afrika

[email protected]

Comments

comments