Bartamaha(Muqdisho):-Rasaastan oo ah mid aan kala go’lahayn ayaa waxa ay barqanimadii maanta si teel teel ah ay kaga bilaabatay isgoyska Sanca ilaa Afarta Jardiino halkaasi oo ay iskaga soo horjeedaan kooxaha isku haya magalada Muqdisho.

 

Kooxaha dowlada ka soo horjeeda ayaa waxa ay ku suganyihiin goob aan ka dheeren Daarta Sanca Ee Degmada Yaaqshiid ee Muqdisho halkaasi oo ay saaranyihiin ciidamada Dowlada Fd soomaaliya kuwaasi oo maanta oo idil si goos goos ah isku dhaafsanayay rasaas waxyeela sababtay taasi oo aan kala joogsi lahayn.

 

Ilaa haatan inta la xaqiijiyay rasaastaasi aan sidaa u xooga badnayn ayaa waxaa ku geeriyooday ilaa 2ruux iyadoo goobaha qaar lagu arkayay Ambalasyo dhaawacya ka qaadaya wadooyinka Shibis iyo Yaaqshiid.

 

Gabi ahaanba waxaa halkaasi isaga cararayay dadkii daganaa kuwaasi oo doonayay in ay wajahaan gooba ka nabdoon xaafadahaasi aan dagaalku si rasmi ah kaga joogsanin .

 

Sidoo kale waxaa gabi ahaanba hakad galay gaadiidkii saaka bilaabay in ay ku dhaqdhaqaaqaan wadada isgoyska 4jardiino halkaasi oo haatan noqotay mid uu Liif saaranyahay ciddii dhaqaaqdaana ay tooganayaan ciidamada dowlada soomaaliya.

 

Xarunta Wararka Xaqiida ah www.Bartamaha.Com,

Muqdisho-Somalia.

Comments

comments