Ra’iisul wasaaraha Soomaliya C/weli Shiikh Axmed  iyo wafdi uu hogaaminayo ayaa gelinkii dame ee shalay booqasho ku tegay dalka Jabuuti, waxaana kusoo dhoweeyay masuuliyin katirsan dalkaasi, oo uu hogaaminayay Ra’iisul wasaaraha dalka Jabuuti.

Ra’iisul wasaare Cabdiweli ayaa la filayaa manta inuu lakulmo madaxweynaha dalka Jabuuti Ismaaciil Cumar Geele, waxaana safarka ra’iisul wasaaruhu uu salka ku haya sidii ay dowladu u hagaajin lahayd xriirka kala dhexeeya wadamada dariska ah.

Dhinaca kale Wasiirka warfaafinta Soomaliya Mustafe Dhuxulow oo kamid ah masuuliyinta wafdiga ku weheliya ra’iisul wasaaraha ayaa isaguna manta lakulmi doona  dhigiisa dalka Jabuuti, waxayna kawada hadli doonaan sidii loo hagaajin lahaa iska shiga dhanka warbaahinta ee labada dal.

Ra,iisul Wasaaraha ayaa horay safar ugu tegay dalka Itoobiya, waxaana uu halkaasi kulasoo kulmay madaxda dalka Jabuuti iyo wufuud kale.

 

Comments

comments